Borrelli takon Bidenin: Jemi më të bashkuar se kurrë

22:44 | 20 Tetor 2023
K.B

Shefi i Politikës së Jashtme të BE-së, Josep Borrell, ka takuar presidentin amerikan, Joe Biden, dhe sekretarin e shtetit, Antony Blinken.

Në platformën X, Borrell ka thënë se Bashkimi Evropian dhe Shtetet e Bashkuara të Amerikës janë të përkushtuara që të punojnë së bashku.

“BE dhe ShBA janë të përkushtuara të punojnë së bashku me partnerët për të mbrojtur civilët, për të mbështetur ata që përpiqen të arrijnë siguri dhe për të lehtësuar qasjen në ushqim, ujë, kujdes mjekësor dhe strehim. Është thelbësore të parandalohet përshkallëzimi rajonal”, ka shkruar Borrell.

Më tej, kryediplomati evropian ka bërë të ditur se kanë diskutuar lidhur situatën në Lindjen e Mesme dhe mbështetjen e tyre të vendosur për Ukrainën.

“Që nga Samiti BE-ShBA 2021, bota ka ndryshuar në mënyra të paprecedentë. Së bashku, ne kemi ndërmarrë hapa ambicioz në përgjigje të punës për sigurimin e paqes, stabilitetit dhe prosperitetit në mbarë botën. Jemi më të bashkuar se kurrë”, është shprehur ai.

Shpërndaje në rrjete sociale

Lajmet më të lexuara

Të ngjashme

Foto lajm